প্ৰদূষণ নিয়ণ্ত্ৰণৰ বাবে হাতত লোৱা কাম-কাজসমূহৰ মূল উদ্দেশ্য হ’ল প্রাকৃতিক সম্পদসমূহৰ সংৰক্ষণ আৰু উন্নতীকৰণ৷ প্ৰদূষণ নিয়ণ্ত্ৰণ ব্যৱস্থাপনাৰ বিধি বলবৎ বা পৰিকল্পনাৰ পূৰ্বে সম্পদৰ ওপৰত সম্যক জ্ঞান থকাটো খুবেই জৰুৰী ৷ সেয়ে ৰাজ্যৰ জলজ সম্পদৰ মানদণ্ডৰ ওপৰত চকু ৰখাৰ উদ্দেশ্যে বোৰ্ডে একধৰণৰ নেটৱৰ্কৰ সহায় লয়৷ পানীৰ মানদণ্ড মণিটৰ কৰাৰ বাবে বোৰ্ডে তিনিটা স্কীম হাতত লৈছে৷ সেয়া হ’ল-

MINARS কাৰ্য্সূচী : কেন্দ্রীয় প্ৰদূষণ নিয়ণ্ত্ৰণ বোৰ্ডে আৰ্থিক অনুদান আগবঢ়োৱা ভাৰতৰ ৰাষ্ট্রীয় জলজ সম্প্দৰ মণিটৰিং কাৰ্য্সূচী[MINARS] ৰ অধীনত বোৰ্ডে ৰাজ্যৰ কেইখনমান নিৰ্দিষ্ট নদীত পৃষ্ঠ্ভাগৰ পানীৰ মানদণ্ড মণিটৰ তথা বিশ্লেষণৰ কাম অব্যাহত ৰাখিছে৷ এই কাৰ্য্সূচীৰ জৰিয়তে বোৰ্ডে ১৯৮৭ চনৰে পৰা বৰাক নদীত এটা আৰু ব্র্হ্ম্পুত্র তথা ইয়াৰ উপনৈত ১০ টা মণিটৰিং ষ্টেচন মাহিলী মণিটৰিঙৰ বাবে স্থাপন কৰা হৈছে ৷এই কাৰ্য্সূচী এতিয়াও অব্যাহত আছে আৰু ২০০২ চনৰ আগষ্ট মাহৰ পৰা এই মণিটৰিং ষ্টেচনৰ সংখ্যা ১১ৰ পৰা ২৯লৈ বৃদ্ধি পাইছে৷ইয়াৰ ভিতৰত ১০ টা ভূগৰ্ভস্থ পানীৰ নমুনাও আছে ৷

MINARS কাৰ্য্সূচীৰ অধীনত মণিটৰিং ষ্টেচনৰ তালিকা-

অন্যান্য্ মণিটৰিং:

অসম ৰাজ্য খন নানা আকাৰৰ খাল-বিলেৰে ভৰপূৰ ৷ এই খাল-বিলসমূহৰ পানীৰ মানদণ্ড্ সময়ে সময়ে পৰীক্ষা কৰা হয় ৷

অসমৰ কিছুমান সংবেনশীল ঠাইৰ ভূগৰ্ভস্থ পানীৰ মানদণ্ড্ও বোৰ্ডে সময়ে সময়ে পৰীক্ষা কৰি আহিছে ৷ প্রয়োজন অনুসৰি এই পৰীক্ষা সমূহ কৰা হয় ৷ জিলা পৰ্যায়ত জিলাবোৰৰ কিছুমান বিশেষ ঠাইৰ ভূগৰ্ভস্থ পানীৰ মানদণ্ড্ও জোনিং এটলাচ ফৰ চিটিং অৱ ইণ্ডাষ্ট্ৰিজ নামৰ প্র্কল্পটোৰ অধীনত পৰীক্ষা কৰি থকা হৈছে৷

তদুপৰি, সকলো গুৰু উদ্যোগৰ নিষ্কাষিত প্রবাহো [ক্ষতিকাৰকৰ সৈতে] প্রতিমাহে মণিটৰ কৰা হয়৷ আনহাতে লঘূ উদ্যোগৰ মণিটৰ প্রয়োজন অনুসৰি কৰা হয় ৷